REGISTRES DU BUREAU

[i5oo]-

euvres de charpenterye de la ville de Paris, de l'ordonnance des Commis au gouvernement de lad. Ville, et à ia requeste du Procureur du Roy et d'icelle Ville, se sont transportez sur la riviere de Seine, en la presence de maistre Jehan de Marle, l'un desd. Commis, et de mess⁰ Jehan de Doyac, pour illec veoir, vi-

siter et priser ung basteau appartenant à Charlot Le Fort, qu'il est neccessité prendre et avoir pour l'edif-fice du pont Nostre Dame; lequel basteau avec le gouvernai servant à icelluy, après serment par eulx fait, ilz ont prisé et extimé h la somme de soixante livres parisis.

LVI. — Marché de pierre de Nyjon.

7 avril i5oo. (Fol. 37 r°.)

Le sept"¹⁰ jour dud. mois, Jehan de Fraville, voicturier par eaue, demourant a Paris, a fait marché aux Commis au gouvernement de lad. Ville, de amener, de la quarriere de Nyjon C jusques en l'isle Nostre Dame, quatre vingtz dix tonneaulx de pierre

ou environ, et icelle pierre faire charger et descharger à ses despens. Ce marché fait moiennant le pris de quatre deniers tournois que, pour chascun pied d'icelle pierre, lesd. Commis seront tenus payer aud. de Fraville.

LVII. — Offre des tailleurs de pierre de faire la maçonnerie et tailler les pillés du pont,

ET ADVIS DE LA PREMIERE MASSE DUD. PONT DU COSTE SAINT JaQUES. 8 avril 15oo. (Fol. 37 r°.)

Le huitiesme jour dud. mois d'Avril, maistres Laurens de Bucy, Martin Chambiche, Jaques de Versongne, Jehan Moreau, Philippot de Fronsiere, Estienne Viguier, Jehan de Felin, Jullien Mesnart, Jaques Courbet, Jehan Hernon et Walleran Hardy, tous maistres massons et tailleurs de pierre demourans à Paris, en ensuivant le commandement à eulx fait par les Commis au gouvernement de la Ville, de bailler par escript leur advis et oppinion de ce qu'on doit faire pour seurement et diligemment beson-gneren l'ediffice du pont Nostre Dame, ont apporté en l'Ostel de lad. ville ung cayer de papier dont la teneur s'ensuit :

"Les ouvriers massons et tailleurs de pierres de la ville de Paris dient par leurs advis, oppinions et deliberacions, que, pour seurement et dilligemment faire la masse pour le pont Nostre Dame, il est neccessité, pour fonder la massonnerie d'icelle masse, enfoncer jusques à la roche qui jài pieçà a esté tentée et trouvée ou fons de la riviere, es presences cles ouvriers de Rouen et de Amiens, des maistres cles euvres de Paris et du maistre des pons et autres; laquelle roche fut trouvée tout à nyveau au travers de la riviere. Par quoy estde neccessité foncier j usques à lad. roche, qui ne trouvera aussi bon fondement au dessus, sur deux toises cl'espoix ou environ, du coté de la riviere sur la largeur dud. pont garny

d'empâtement ainsi qu'il appartient. Et la cause si est : car, quant la premiere pille ensuyvant sera faicle, qui sera fondée jusques à lad. roche, se ladicte masse n'est fondée jusques à la roche, par succession de temps, les eaues qui seront plus fortes et véhémentes qu'elles n'avoient acoustumé trouveront les sablons couppez du costé de lad. masse et vuycleront lesd, sablons par dessoubz la massonnerie d'icelle masse. Et le derriere de lad. masse fault à nyveler et arraser sur les sablons, à la haulteur qu'ilz sont de present, pour parachever lad. masse, à cause que lesd, sablons sont assez seurs pour porterie derriere de lad. masse, parce qu'ilz ne sont point battis ne mynez des eaues; et jasoitce que on ne trouvast aucune roche ou tuf ou lieu où se doit faire lad. masse, neantmoins sil fault il (sic) aussi bas que s'est trouvé led. tuf ou roche ou travers de la riviere; et pour divertir les eaues, les fault excluser par bastar-deaulx, ou autres moyens hors de la place où on massonnera, et reculler les pompes hors de lad. place, en maniere que on y puisse maçonner à pié sec; et est neccessité fonder et faire la massonnerie de la fondacion de tout led. pont jusques a deux piez près de la haulteur des basses eaues, de pierre de Vergelé, et de la en amont jusques aux plus haultes eaues de pierre de liaiz et du bon banc de la pierre de Vernon <²', pour la deffense des hurtz des

C Nigeon, climat entre Chaillot et Passy.

'2) Chef-lieu de canton (Enre), dont les carrières de pierre de (aille font encore aujourd'hui en pleine exploitation.